Shorti i Brazil 2014, ja skuadrat që përballen në “play-off”

By Opozita .com
In Sport
Oct 21st, 2013
0 Comments

brazilSot është bërë tërheqja e shortit për fazën e ‘play-off’-it për Botërorin 2014, që do të mbahet në Brazil. Tetë skuadrat që kërkojnë një biletë për në Brazil kanë mësuar palët rivale.
Ukraina nuk pati aspak fat, pasi tërhoqi si kundërshtar Francën, që vlerësohet si favorite. Një sfidë mjaft interesante dhe e paqartë pritet të jetë ajo ndërmjet Portugalisë dhe Suedisë, ku do të kemi përballjen e Kristiano Ronaldos dhe Zlatan Ibrahimovicit.
Njëri prej këtyre dy yjeve të futbollit do t’i mungojë Botërorit 2014. Kroacia pati fat, pasi tërhoqi si kundërshtar Islandën, një skuadër kjo që shkaktoi befasi në Grupin E, ku ishte edhe Shqipëria, duke u pozicionuar në pozitën e dytë.
Sfida e fundit do të jetë ajo ndërmjet Greqisë dhe Rumanisë, që po ashtu vlerësohet të jetë tejet e ekuilibruar. Ndeshjet e para zhvillohen më 15 nëntor, kurse ato të kthimit me 19 nëntor.

Comments are closed.