“Pasagjerët” e udhëtimit tragjik, përgënjeshtron lajmin vajza që “shoqëronte” deputetin

By opozita.com
In Aktualitet
Nov 21st, 2013
4 Comments

arminda-qylafku-zedhenese-e-ministrise-se-transporteveMbrëmja e djeshme, u kthye në një kaos dizinformimi nga të gjithë mediat e vendit. Rëndësia e lajmit tragjik dhe etja për informacion, nuk i justifikoi shpikjet hamendësuese, pas lajmit të ndarjes nga jeta si pasojë e një aksidenti të rëndë, deputetin e Partisë Demokratike Sokol Olldashi. Të gjithë rendën të transmetonin titullin e ndarjes nga jeta të deputetit për gati 90 minuta transmetim direkt. Diku ishte në gjendje të rëndë, diku dyshohej dhe diku vdiq.

Kurajo prej diletanti të reporterëve apo edhe hamendësimeve nga studiot e televizioneve kombëtare, morën formë kur hodhën fjalë se në “udhëtimin e fundit” të deputetit kishte humbur jetën edhe ish-drejtori i Policisë Rrugore z. Shkëlzen Aliaj, i cili u detyrua me anë të një bisede telefonike të përgënjeshtronte lajmin e rremë, sigurisht për të qetësuar edhe miqtë e të afërmit.

Momente të kësaj dalldie nuk ndalen këtu, vetëm pak minuta më pas u hodhën deklarata se në automjetin e deputetit ishte pasagjere edhe ish-zëdhënsja e Ministrisë së Punëve Publike dhe Transportit, Arminda Qylafku, e cila edhe kjo sipas burimeve të reporterëve kishte mbetur e vdekur në vend gjatë aksidentit tragjik.

Vetëm mëngjesin e sotëm, nga kontaktet e reporterit të Opozita.com, bëhet me dije se Arminda Qylafku ka qenë në banesë në momentin kur ka ndodhur ngjarja dhe pasi ka marrë lajmin e hidhur për personin me të cilin ajo ka punuar për krahë në ministrinë e sipërpërmendur, është drejtuar pranë morgut të QSUT, ku u dërgua dhe trupi pa jetë i deputetit Sokol Olldashi. Ditët në vazhdim, mendohet se vetëm një deklaratë e Prokurorisë së Tiranës do të zyrtarizojë versionin e saktë dhe do hedh dritë mbi misterin e personave që (s)kanë qënë në aksidentin tragjik.

Në mesazh e faqes së saj në Facebook, Qylafku e pikëlluar shkruan, “Miku im i dashur, nuk e besoj që ti nuk je më mes nesh. U prefsh në paqe!

Sondazh

Si e vlerësoni punën e medias dhe policisë në transmetimin e aksidentit të Sokol Olldashit?

  • Të paaftë (46%, 1,586 Votes)
  • Kaotike (35%, 1,193 Votes)
  • Normal (16%, 545 Votes)
  • Profesional (3%, 119 Votes)

Total Voters: 3,443

Loading ... Loading ...

4 Responses to ““Pasagjerët” e udhëtimit tragjik, përgënjeshtron lajmin vajza që “shoqëronte” deputetin”

  1. diana says:

    Ngushellimet e mija familjes,Kozetes.Enkelejdes,djemve dhe vellait.Ngushellime gjithe te afermve te tij.Ai me vepren e tij i la te gjithe kokelarte.Me vjen keq per disa mendje te ceketa qe gjithmone kerkojne gjilperen ne kashte.Pse gjithmone duhet qe te gjejme nje ”gabim”

  2. meci agron says:

    Sokol u prehsh ne paqe..persa u perket gazetarve tu vin turp per lajmet mbremeshme se deri von thoshin,,se u nxor personi i par i plagosur nga makina dhe e nisen per ne spital,,kushdo qe te kishte qen me te duhet te permendet se ishte fmi nane, dhe jo ta fshehin si nje kriminele ordinere,esht turp per gazetaret se kushdo qe asht ken me ta meriton respekt.

  3. Studenti says:

    Fillimisht ka qen Kryetari aktual i PD, Lulzim Basha qe ne lidhje telefonike vetem pas 30 minuta qe kishte ndodh ngjarja, tha qe dyshohet te ket qen me te nje ish drejtor policie por sjemi te sigurt akoma !
    Kurse per ket vajze edhe mund te ket ndodh sepse shum misterjoze esht kjo njohja e shoferit te te ndjerit Olldashi vendndodhjen e aksidentit.. Olldashi vdic vetem pse nuk kishte rripin e sigurise, mbase pasegjeri tjeter e kishte rripin dhe shpetoj si dhe njoftoj shoferin e deputetit njeri te cilin mund ta ket fshehur rrjedhimin e sakt te ngjarjeve !
    Kjo e imja eshte vetem nje hipoteze !
    Gjithsesi, shpirti i te shkretit pushofte ne paqe !

  4. andrea haxhiu says:

    turp per mediat por turp edhe per shtetin.sokol ,u prehsh ne paqe.ngushellime te sinqerta nenes se tij kozetes,tezes sonja dajes qe kam patur nderin ti njoh nga afer,ngushellime shoqes dhe femijeve.sokoli do tna mungoje fizikisht por do jete mes nesh nga veprat qe ka lene ne sherbim te kombit.