Nëpunësit civil, kthehuni në punë. Shkarkimet e paligjëshme/ PD fiton ndaj qeverisë në Gj.Kushtetuese.

By Opozita
In Aktualitet
Dec 13th, 2013
6 Comments

GJYKATA KUSHTETUESEGjykata Kushtetuese ka rrëzuar aktin normativ të qeverisë për ligjin e “Nëpunësit Civil”. Lajmi konfirmohet për opozita,com nga burime brenda Gjykatës Kushtetuese, të cilat bëjnë të ditur se Gjykata e ka vlerësuar aktin normativ si antikushtetues.

Pak javë më parë Kushtetuesja e rrëzoi kërkesën ankimore të Partisë Demokratike për pezullimin e hyrjes në fuqi të aktit normativ për ligjin e “Nëpunësit Civil”. Por demokratët kanë bërë edhe një tjetër kërkesë, për shfuqizimin e aktit normativ dhe ligjit i cili i ka dhënë fuqi këtij akti.

Në fakt, tek shqyrtimi në themel i çështjes, opozita, nëpërmjet juristit, Ivi Kaso e përqendroi mbrojtjen e kërkesës së saj, duke e quajtur aktin normativ si antikushtetues, me argumentin se qeveria ka dalë mbi Kuvendin, duke zhbërë një ligj me shumicë të cilësuar me anë të një akti normativ, që votohet me shumicë të thjeshtë votash.

Por përfaqësuesja ligjore e Këshillit të Ministrave, Edlira Jorgaqi tha se “qeveria ka të drejte të miratojë aktin me fuqinë e ligjit, akt i cili është miratuar dhe në Kuvend”. Sipas saj, Kuvendi e ka miratuar me 3/5 e votave, por ka bërë edhe kontroll për kushtetueshmërinë me Kushtetutën.

Argumenti kryesor i qeverisë për të shtyrë me 6 muaj hyrjen në fuqi të ligjit për nëpunësin civil ishte mungesa e akteve nënligjore.

Më 17 tetor, Kuvendi miratoi vetëm me votat e maxhorancës aktin normativ për ligjin e “Nëpunësit Civil”. Miratimi i aktit normativ u pa i domosdoshëm për shkak të pazbatueshmërisë së ligjit të ‘Nëpunësit Civil’, si pasojë e mungesës së akteve nënligjore dhe natyrës së përgjithshme të ligjit.

Vendimi i qeverisë u kundërshtua ashpër nga opozita e djathtë, pasi akti, sipas saj, synon që maxhoranca të bëjë spastrime në radhët e administratës.

Ligji “Për nëpunësin civil” ishte një ndër tre ligjet, miratimi i të cilëve u vendos si kusht nga Brukseli që Shqipëria të përfitonte statusin e vendit kandidat. Ai u miratua me konsensus në Kuvend më 30 maj, në një seancë të jashtëzakonshme. /opozita.com/


6 Responses to “Nëpunësit civil, kthehuni në punë. Shkarkimet e paligjëshme/ PD fiton ndaj qeverisë në Gj.Kushtetuese.”

  1. Shkodrani says:

    Ku pyesin keto per ligje ,si baballaret e tyre komunstat gjakatare keto e bane fakte te kryer , hoqen te gjithe nga puna me lista , duke i zevendesuar me injoranta kriminela , dhe tash ato qe u hoqen jane duke u degdisur ne dyert e gjykatave , vetem ne Shkoder prefekti hipokrite ,hajdute ka heke 10 vete nga prefektura me liste , kete gja nuk e kishin ba asnji prefekte me pare , me justifikimin se i ka thane goni ( deputeti i lsi ne shkoder njeriu me i deskretituar ne qytet , si hajne , kriminel , zaptues me dhune i qendres se qytetit ku eshte ndertuar nje hotel me para krimi , nje katundare nga fshatrat e pukes ,ka ble votat me para te pista ) e ky karikature prefekti thote me ka thane goni me heke , tashe do te heke dhe 6 per ps , ku gjithesejte administrate ne prefekture mund te jene 20 persona

  2. keti says:

    Per mua njerezit e afte duhet te qendrojne ne pune nuk kemi kohe dhe as te ardhura per trainime apo per te mesuar njerezit e rinj ne pune pra per militarizem na duhen mijera euro per ti bere ata te kualifikuar nderkohe qe i kishim ata qe na benin punen .largojini nga puna vetem nese kane bere hallisverishte kane shfrytezuar punen per qellime pasurie ,ate luftoni dhe hiqeni nga puna.

  3. ariu says:

    Pas protestes popullore per refuzimin e armeve kimike,hyn ne historine e civilizimit te Shqiperise vendimi i Gjykates Kushtetuese per rrezimin si te paligjshem te aktit normativ per nepunesit civil.Edvin Rama duhet te falenderoje publikisht Gjykaten Kushtetuese te Shqiperise ashtu sic falenderoj pak jave me pare protestuesit antiarmeve kimike.Ne se nuk do e mirekuptoje Gjykaten Kushtetuese nuk duhet konsideruar me si Kryeminister normal.

  4. diaspora says:

    Kush te kthehen ne pune ??? ata qe u hoqen para 8 vitesh…..

    • geni says:

      Jo ata qe u hoqen para 8 ditesh dhe qe jane investuar me miliona lek per trajnimin e tyre.Se eshte problemi se njeri duhet te bej nje hap mbrapa dhe te fillojne gjithmone me hakmerje sa here vijne ne pushtet se do kemi gjithmon Administrate jo profesionale dhe do e vuajme ne te shkretet gjithmon.Neqoftese do te beje dicka ndryshe Edi Rama duhet ta filloje qy ketu dhe te mbaje njerzit me te afte dhe mos te shikoj as majtas as djathtas por te shikoje me te miren per administraten.

      • diaspora says:

        Te futen ata qe i hoqen e i lan pa pun 8 vjet, kta qe u hoqen para 8 ditesh te hane rezervat…askush se ka me tapi…