Nga Eduard Zaloshnja

Para katër vjetësh, pas zgjedhjeve parlamentare të vitit 2021, raporti paraprak i OSBE/ODHIR ngrinte të njëjtat shqetësime si sot rreth përdorimit të administratës në zgjedhje, vendimeve të qeverisë në prag zgjedhjesh, përfshirjes në fushatë zgjedhore të personave të inkriminuar etj, etj. Sidoqoftë, atëherë PD dhe LSI morën pothuaj 250 mijë vota më shumë se sa morën këtë vit të bashkuara nën udhëheqjen e Berishës dhe Metës.

Thënë ndryshe, përballë të njëjtit “regjim” (siç e quajnë opozitarët qeverinë e Ramës), koalicioni i udhëhequr nga Berisha e Meta mori vetëm 2/3 e votave që morën partitë e tyre më 2021. Tabela e mëposhtme tregon se firoja e votave ishte e shpërndarë në të gjitha qarqet (edhe në ato pak qarqe ku koalicioni i udhëhequr nga Berisha e Meta rezultoi i pari në qark). Kështu, në Qarkun Fier u regjistrua firoja më e madhe (pothuaj 1/2), kurse në Qarkun Kukës u regjistrua firoja më e vogël (mbi 1/5)

Vetëm  47 mijë vota erdhën nga diaspora për koalicionin e udhëhequr nga Berisha e Meta. Kurse nga vendet e botës ku DHL nuk pati probleme me shpërndarjen e zarfeve të KQZ-së, vetëm 40 mijë vota erdhën për këtë koalicion…