Lideri i opozitës, Sali Berisha, zhvilloi një takim të veçantë me komunitetin shqiptar në Brescia të Italisë, tha se Evropa i ka sytë e tëra te zgjedhjet e 11 majit.

Berisha njoftoi ishte i ftuar në dy dëgjesa në Asamblenë Parlamentare të Këshillit të Evropës, të dedikuara Shqipërisë, ku tregoi se paraqiti shqetësimet për situatën politike në vend.

“U prita në Asamblenë Parlamentare të Këshillit të Evropës, tempull të demokracisë evropiane, në dy dëgjesa kushtuar Shqipërisë. Pata takime të veçanta, në të cilat ishte zëri i shqiptarëve, paraqita narkodiktaturën e Edi Ramës. Njoha miqtë tanë se narkodiktatori për të marrë një mandat të katërt arrestoi, burgosi liderët e parive opozitare, licencoi mbjelljet e kanabisi, ka aktivizuar bandat e krimit të organizuar në Shqipëri dhe Dubai”, tha ai.

Më tej ai iu drejtua shqiptarëve duke thënë se nuk ka dhunë, bandë apo krim që mund të mposhtë vullnetin tuaj.

Berisha përmendi dhe çeljen e fushatës së opozitës në Tiranë, të cilën ai e cilësoi si ngjarje madhështore, që nuk është parë prej 32 vitesh.

Pjesë nga fjala e Berishës

Vij këtu te ju me tre lajme shumë të mira nga kjo javë, fasada ra! Së pari, duhet t’u them që të hënë që kaloi u prita në Asamblenë Parlamentare të Këshillit të Evropës, tempull të demokracisë evropiane, në dy dëgjesa kushtuar Shqipërisë. Pata takime të veçanta, në të cilat ishte zëri i shqiptarëve, paraqita narkodiktaturën e Edi Ramës.

Njoha miqtë tanë se narkodiktatori për të marrë një mandat të katërt arrestoi, burgosi liderët e parive opozitare, licencoi mbjelljet e kanabisi, ka aktivizuar bandat e krimit të organizuar në Shqipëri dhe Dubai. I informova miqtë tanë se ne do fitojmë! Se nuk ka dhunë politike, banditë e banda, krim të asnjë lloji që mund të mposhte shqiptarët në diasporë, se ata në 11 maj firmosin fundin e Edi Ramës, e narkodiktaturës.

Në këtë vizitë, gjeta atë që s’ma priste mendja kurrë, se kreut të narkoshtetit në Këshillin e Evropës i kishin anuluar darkën zyrtare se ishte sjellë në mënyrë të padenjë, se foli si të ishte biri i Gedafit, si narkodiktator, por kishte marr banditë që kishin kërcënuar ata që kishin anuluar darkën.

U zhvilluan dëgjesa për zgjedhjet e 11 majit, parlamentarët evropian denoncuan dhunimin e zgjedhjeve të shkuara, dhunën ndaj opozitës, shkrirjen e pushtetit me krimin. Sot Evropa i ka sytë e tëra te 11 maji, te vota juaj, fitorja juaj, fitorja e Shqipërisë.

Lajmi tjetër ishte çelja e fushatës elektorale. Në fakt, ajo çelje fantastike, madhështore e pa parë në 32 vite, i ka rrënjët në zemrat tuaja. Ishit ju që u bëtë frymëzuesit, u dhatë zëmër e optimizëm shqiptarëve që mbushën sheshin Nënë Tereza me një entuziazëm të paparë. Kush e mendonte tre muaj se kjo do ishte PD, partia e idealeve tuaj. Me ardhjen e La Civitës në shkurt, të nesërmen Edi Rama i ra tavolinës me grusht, sa nuk i ra me kokë. Tani e sheh vetën të humbur, dhe gënjen veten me gënjeshtrat që beson.