Arrestohen vëllezërit shqiptarë, kokat e organizatës së trafikut të drogës në Itali (FOTO)

Një organizatë e përbërë kryesisht nga shqiptarë, që merrej me trafikim droge, është shkatërruar në fundjavë nga policia italiane e Ascoli Piceno, raportojnë mediat lokale, shkruan Syri.net.

Ndaj dy vëllezërve shqiptarë, 19 dhe 26-vjeç, të dy me iniciale G.A. dhe me banim në San Benedetto del Tronto, është ekzekutuar masa e arrestit me burg. Ata akuzohet se kanë furnizuar me kokainë dhe hashash disa shpërndarës droge që vepronin në bregdetin e Adriatikut. Dy vëllezërit ishin edhe kokat e organizatës, raporton agjencia italiane e lajmeve ANSA. Një prej tyre ishte në kërkim.

Gjatë operacionit të koduar “Bloodborne”, ndaj një 22-vjeçari italian dhe një 24-vjeçari shqiptar me iniciale S.K., është ekzekutuar masa e sigurisë së arrestit shtëpiak. Policia ka sekuestruar 250 gram kokainë dhe rreth një kile hashash.

Gjatë hetimeve janë arrestuar dhe shpërndarës e korrierë droge. Në pranga është vënë një 39-vjeçar napolitan, edhe ai me banim në San Benedetto del Tronto, si dhe një maroken. /Syri.net/

b1b2b3b4