Intervista në Opinion/ Momentet e para të mbërritjes në TV Klan të Presidentit Thaçi

Presidenti i Republikës së Kosovës, Hashim Thaçi ka mbërritur në ambientet e TV Klan, ku edhe do të zhvillojë pak minuta më vonë një intervistë në emisionin ‘Opinion’ përballë gazetarit Blendi Fevziu.

Kjo intervistë përmban një domethënie të veçantë  për Presidentin Thaçi, duke pasur parasysh, se pak ditë më parë kryeministri i Shqipërisë Edi Rama vizitoi Serbinë.

Pikërisht kjo vizitë, si dhe deklaratat e kryeministrit shqiptar në Beograd, nuk kanë kaluar në heshtje nga ana e një pjese të konsiderueshme të politikës dhe intelektualëve kosovarë.

Këtu, vlen të theksohet, deklarata e Ministrit të Jashtëm të Kosovës Enver Hoxhaj se Shqipëria nuk mund të përfaqësojë Kosovën në Beograd.

Por mbi të gjitha kjo është një intervistë e cila do të trajtojë edhe diskursin e debateve në të cilat janë përfshirë Kosova dhe Shqipëria.

b7519beb-4806-4960-b57a-2bc877ae33e51b8e040ba-feb3-4b99-a32a-879622f0ff54dce0d4ea-bc09-4703-b5a5-1aeedc73ea2a2d29ec953-50ad-4b8d-8922-ac64787abc70