Kapet “xhepistja e Shkodrës”, u vidhte portofolat grave

Policia e Shkodrës ka arrestuar ditën e djeshme një shtetase, e cila dyshohet se ka vjedhur portofolin e një shitëseje në dyqanin e kësaj të fundit.

E arrestuara është B. Doçi, 37 vjeçe. Ajo dyshohet se është autore e disa vjedhjeve të tjera në qytetin e Shkodrës.

NJOFTIMI I POLICISE

Nga shërbimet e komisariatit të policisë Shkodër, falë veprimeve të shpejta hetimore, u bë i mundur arrestimi në flagrancë i shtetases B. Doçi, 27 vjeçe, banuese në Shkodër.

Më datë 08.10.2016 dyshohet se në dyqanin shtetases R.D. 37 vjeçe, banuese në Shkoder, i ka vjedhur portofolin brenda të cilit ka patur 1.600 lekë të reja.

Në cilësinë e provës materiale u sekuestrua portofoli, me sasinë e lekëve të sipër përmendura.

Kjo shtetase dyshohet edhe për raste të tjera për të cilat po punohet për dokumentimin e plotë të tyre.

Materialet iu referuan Prokurorisë së Rrethit Gjyqësor Shkodër për veprën penale “Vjedhja” parashikuar nga neni 134 i Kodit Penal.