Artikulli i “La Repubblica” për ISIS-in dhe Shqipërinë thjesht “hala te ura”

Shkruan: Gjergj Thanasi, Tiranë

Giuliano Foschini gazetar me stash 10 vjecar i La Repubblica-s së Barit duke u mbështetur në materiale të stër bëra publike në mediat shqiptare ngre alarmin për rrezikun e terrorizmit të Daesh-it, që i vjen Italisë (Europës) nga brigjet shqiptare. Fatkeqësisht artikulli mund të karakterizohet i tipit “hala te ura”, sepse në të informacioni është i vjetëruar dhe rreziku terrorist nga toka shqiptare drejt brigjeve italiane portretizohet në mënyrë skematike, i zvogëluar dhe në formë mjaft të thjeshtëzuar. Linku i artikullit italian: http://bari.repubblica.it/cronaca/2017/01/07/news/terrorismo_isis_allarme_dall_albania_puglia_nuova_frontiera-155533414/?ref=search

Rreziku i terrorizmit për Italinë nuk prek vetëm Rajonin e Puljes sic shkruan kolegu i La Repubblica-s, por gjithë Italinë. Në këtë kontekst i kujtojmë lexuesit që shqiptarët, që ndihmuan terroristin tunizian për të kryer kasaphanën e Nicës, kishin kontakte jo vetëm në Gravina të Puljes, por edhe në mikrokriminalitetin shqiptar në periferi të Milanos. Po ashtu armë municione e lëndë plasëse nga Shqipëri në Itali nuk përfundojnë vetëm në plazhet afër Brindizit mbi 1 kuintal TNT “made in Mjekes”, që nga marsi 2012 apo në gjirin e vogël të San Foca-s në Lece (Lecce), por edhe në Ancona (me tragetet me ekujpazh të përzier) apo në porte të tjera italiane me anije me pronar dhe ekuipazh qoftë edhe të pjesshëm shqiptar me flamur shqiptar, moldav, togolez apo të Republikës Demokratike të Kongos.


Rreziku ajror

Në artikull nuk përmendet fare përdorimi i rrugës ajrore për të dërguar në Itali jo vetëm kanabis por edhe droga të klasit A pa harruar armë, municione, lëndë plasëse me origjinë ose të prodhuara në Shqipëri, por edhe Nobelex turk, C 4 iranian, HMX prodhuar nga Prva Iskra serbe etj. Avionët ultra të lehtë të nisur nga pistat shqiptare tashmë nuk i zbarkojnë ngarkesat e tyre të tipit grupazh vetëm në Pulje, por edhe me sistem “stop over” rifurnizmi me karburant në territorin puljez i dërgojnë ato edhe në rajonet e veriut të Italisë. Kur bandat e strukturuara kriminale kanë kaluar nga faza “dry run” në atë operacionale për sa i përket dërgimit të klandestinëve por edhe operativëve të ISIS-it në Angli nga mikroaeroportet gjermane, kuptohet se cfare ka ndodhur me të tilla zbarkime në territorin italian. Kaq alarmante janë bërë këto aerozbarkime nga Shqipëria në Itali, saqë për shkak edhe të lobimit të gjen. Francesco Petraroli (GDF) u organizua me ngut në mes të dhjetorit 2016 stërvitja e përbashkët e Aeronautikës Ushtarake Italiane me GDF-në me emrin e koduar “Corvus Corax”. Linku i Stwrvitjes “Corvus Corax”: http://www.salentochannel.it/lecce-operazione-corvus-corax-ecco-come-si-blocca-un-velivelo-sospetto/
Kur alarmohet një gjeneral si Petraroli, i cili ka një cerek shekulli, që u njeh dhëmëb e dhëmballë bandave kriminale shqiptare (si komandanti i repartit IV të GDF-së me gradën nën/kolonel në vitin 1992), merret me mend, që rreziku është shumëfish më i lartë, i qartë dhe prezent, sesa pasqyrohet në shkrimin e kolegut Foschini.

Reziku terrorizëm nuk përfaqësohet thjesht nga valëvitja hipotetike e flamurëve të ISIS-it në fshatra të humbura të Shqipërisë në kufi me Republikën e Kosovës sic shkruan kolegu italian. Ky rrezik është jo vetëm në “vatrat e infeksionit” në Leshnicë e Zagorcan të Pogradecit, por edhe në Gërmenj të Lushnjës, në ndonjë xhami ilegale në periferi të Durrësit e të Tiranës, brenda qytetit të Shkodrës etj.

Kolegu Foschini të paktën qëndron më lart në shkrimin e tij sesa ndonjë pronar OJQ-je shqiptare, ish spiun Sigurimi, që i financuar bujarisht me fonde amerikane qorollepste e fuste në qorrsokak edhe vetë Sh.T. Ambasadorin Lu përsa i përket terrorizmit dhe luftëtarve të huaj-foreign fighters në Shqipëri. Foschini e ka kapur thelbin e ndërrimit të strategjisë së Daesh-it: jo më udhëtim drejt tokave të Kalifatit në Shamin e bekuart, por radikalizim në vendin , ku jetojnë dhe ndërmarrjen e goditjeve terroriste në vetë vendin e tyre. Në këtë konkekts rreziku i aksioneve terroriste krahas objektivave puljeze është edhe kundra objektivave italiane në Shqipëri “soft and hardened targets” (të lehtë dhe të mirëmbrojtur) sic përshkruhen me terminologjinë e zanatit. Anëtarë të Divanit të Kalifatit, që deri ca muaj më parë e ndalonin rreptësisht dhëndërrin shqiptar të së ndjerës Assunta të godiste shënjestra italiane në Shqipëri, tashmë e nxisin atë të veprojë sa më shpejt e sa më me egërsi.

Nga “geishat” shqiptare te “donaiolo-t” italianë

Rreziku i terrorizmit islamik nga brigjet shqiptare drejt objektivave italiane rritet me progresion gjeometrik për shkak se dispozitivi anti terror shqiptaro-italian në Shqipëri është në gjendje të vajtueshme. Kryeministri Rama me qëllim dhe në mënyrë konseguente ka emëruar në shumicën e pikave kyce të dispozitivit antiterror dhe fiskal të Shqipërisë ose “geisha” ose “samuraj” të veshur me minifunde! Tipik është rasti i doganave shqiptare, ku në tre vite “Rilindje” u emëruan 4 “kryegeisha” (Sic!) Përjashtimisht edhe kur emërohet ndonjë profesionist i mirëkualifikuar për antiterror zgjidhet me cene të rënda si psh. me disa masa administrative deri në ulje në gradë të dhëna me firmën e vetë kryepolicit shqiptar Cako.

Krimi i organizuar shqiptar vazhdimisht arrin t’i blejë apo t’i shndërrojë në hyzmetqarë të vet VIP-at e antikrimit italian në Shqipëri! Bazuar në dëshminë e besueshme të ish shefit të antidrogës Zagani kriminelët vlonjatë me bekimin e pushtetarëve të majtë arritën të futin në kllapë një general brigade italian duke e blerë nëpërmjet dhurimit të një sipërfaqe toke në bregdetin vlonjat. Dr. Anna Pogi ish shefe e misionit policor italian Interforce u neutralizua duke e “ndihmuar” të birësojë një vogëlush shqiptar me mjete uma-uma sic thonë italianët. Shefi aktual i Interforze Dr. Grillo pas skandalit të pajisjes përgjuese IMS Catcher ka që në qershor 2016, që ende nuk është kthyer nga pushimet! Një diplomat i lartë Italian u shndërrua në hyzmetqar të malavitës vlonjate, sepse kjo e fundit me ndihmën e sigurimsave pensionistë shfrytëzoi me dinakëri e profesionalizëm orientimin e tij seksual ndryshe (pederas pasiv). Kësaj tablloje të errët i shtohet edhe fakti, që jo pak “kanarina” (financierë), karabinierë apo 007 italiane të stacionuarnë Shqipëri nuk kanë prioritet luftën kundra terrorizmit apo edhe “martesës së lumtur” të terrorizmit me ngjyra islamike me malvitën shqiptare, por mendojnë vetëm për të bërë palestër, për të marrë shpërblimet e vecanta (I famosi straordinari) për të ngrënë dreka e darka pune me paratë e taksapaguesve italianë, apo për të gjetur ndonjë “amichetta” shqiptare!!!!

Fatkeqësisht operativët e Daesh-it në Shqipëri tashmë duhet të jenë pajisur me fondet e nevojshme për të “marrë me qera” shërbimet e kushtueshme të bandave të strukturuara kriminale shqiptare dhe sidomos kontaktet e tyre të punës me krimin transnacional. Goditjet e terroristëve në Shqipëri dhe në Itali me pikënisje brigjet shqiptare nuk janë më të rendit sikur e nëse por kur, ku dhe sa fort!

Me një dispozitiv anti terror italian, që calon nga të dyja këmbët, me një administratë rilindaxhije të zvetënuar në shpirt e në xhep, që fatkeqësisht ende është në qiellin e shtatë të Nirvanës soroiste-klintoniste Vlora e Durrësi janë për Italinë, fqinje, aleate dhe mike shumë më problematike sesa Sirte dhe Bengazi të Libisë tashmë shtet i dështuar.

Kolegu Foschini me aq sa ka pasur informacion në dispozicion të vet gjithsesi e kreu detyrën e gazetarit të përgjegjshëm duke u rënë borive të alarmit, ndryshe nga Alessandro Trocino, gazetari i Corriere della Sera-s, që me mendjemadhësi e optimizëm fals ca ditë më parë shkruante:
Davanti a via della Conciliazione, due auto dei Carabinieri, motore acceso per riscaldarsi. Il maresciallo responsabile osserva con discrezione. Abbiamo letto di militari in borghese, cecchini sulle case, poliziotti a cavallo. Che ci dice? Sorride : «Tutto tranquillo». I carabinieri si mettono in posa per una foto simbolo. I fedeli accorrono per il Te Deum. Tutto tranquillo? E se uno arrivasse fino a qui a piedi, tirasse fuori un mitra Ceska, come al Bataclan, o un Kalashnikov? Il parà di guardia non sorride: «Se succede ci siamo noi. Ma non succede. Perché in Italia c’è l’Intelligence. E funziona”.

Mbetet për tu parë sa do të funksionojë ky dispozitiv për të parandaluar dhe ndëshkuar goditjet terroriste të operativëve të Daesh-it të nisura nga brigjet shqiptare drejt objektivave italiane dhe europiane.