Kryetarja e Bashkisë Prrenjasit shpërthen ndaj Ramës/ Kujtohesh sa për vota, më pas s’të bie ndërmend nëse këta njerëz janë gjallë apo vdekur

Ditën e sotme Rama ka zhvilluar një takim me banorët e Prrenjasit dhe Librazhdit. Gjatë takimit ai ka përsëritur sërish reformat me të cilat ka Rilindur Shqipërinë dhe qytetet e fshatrat e saj. Rama ka fajësuar Kryetaren e Bashkisë Prrenjas, Miranda Rira për premtimet e tij të pambajtura.
Zonja Rira ka reaguar ndaj akuzave të Ramës duke mos e kursyer aspak dhe duke ia nxjerrë të gjitha të palarat në shesh.

Më poshtë shkrimi i plotë i kryetares së Bashkisë Prrenjas, zonja Miranda Rira:

‘Sot kryeministri në ikje dhe deputeti i Prrenjasit e Librazhdit, u kujtuan më në fund për Prrenjasin. Erdhën dhe dhanë një lumë akuzash për Kryetarin e Bashkisë, sepse nuk kishin çfarë t’ju thonin njerëzve sesi ata e lanë në mjerim Prrenjasin. Nuk kishin si të justifikoheshin, se kanë 26 vjet që mbushin thesin me vota nga kjo zonë, dhe me pas s’ju bie ndërmend nëse këta njerëz janë gjallë apo vdekur.
Z. Rama, ti e di fort mirë që unë jam më socialiste dhe më e majte se ty. Ku e ke “rilindur” Prrenjasin? Me çfarë investimesh? Çfarë ke bërë për fshatrat e kësaj zone? Çfarë ke bërë për spitalin e Prrenjasit që është katastrofë? Çfarë investimesh ke sjellë për kopshtet dhe shkollat? Sa kohë keni që genjeni për statusin e minatorit? Ku janë ato qindra vende pune që do hapje në Prrenjas? Fondi i zhvillimit të rajoneve që është tërësisht i qeverisë, ska patur para për Prrenjasin, ndërsa ke çuar miliona euro për fasada dhe qendra në bashki të PS. Ju i keni ndarë investimet për shqiptarët, në bazë të ngjyrës politike që ka kryetari i bashkisë. Sa investime ke çuar ne Librazhd dhe sa ne Prrenjas? Edhe nje investim qe solle per shetitoren pergjate rruges nacionale, derguat Sadri Abazin per te marre tenderin me dokumenta fallco, proces qe u mbajt peng nga ju per rreth nje vit, por nuk ju eci. Meqe u moret ju i pari me mua, po merrem pak edhe une me ju. A e dini ju Z. Kryeminister se me fondet e qeverise jane pasuruar shpura qe rri prane jush, ata qe japin dhe marrin fondet qeveritare dhe tenderat, dhe jo qytataret e Prrenjasit dhe te gjithe Shqiperise?! Prrenjasi eshte varferuar ndersa Rilindja lakuriqe, thote se ka rilindur. U moret me fisin dhe njerezit e mi. Po ju, pse keni marre kusheriren tuaj, Milena Hariton si ministre? Vasilika Vjero, a eshte kusherira juaj dhe ju e keni vene drejtoreshe te tatimeve? Nuk po merrem me burrat e ish grave te tua, se me to jane marre te tjeret. Mire une paskam marre shofer nipin tim, dhe ky na qenkerka sakrilegj i madh, do ishte mire te jepnit llogari se cfare bete ju per Prrenjasin dhe per keta njerez qe i keni genjyer per me shume se dy dekada. Po specialistin e IT-se ku ma gjete kusheri?? Ledio Allko eshte nje punonjes i shkelqyer qe ka mbaruar me 10-ta dhe ska asnje lidhje gjaku me mua. Ndersa ai qe ju thoni se eshte krushku im , po ju them se deri dje ka qene Kryetari i Partise socialiste ne Prrenjas, por arroganca e pushtetit e la ne harrese. Çte bej une qe kam nje fis kaq te madh dhe mund te qelloje qe nga 230 punonjes qe ka bashkia, shoferi eshte nipi im(sepse eshte e drejte legjitime e cdo njeriu te marre shofer njeriun me te sigurte), dhe se ndonjeri eshte edhe ne lidhje farefisnore me mua? Po ju them se jam 100% rrajcare dhe kam nje fis per te cilin jam shume krenare. Leri dokrrat me fare e me fis, por jepi Prrenjasit ate qe i takon Prrenjasit, mjaft më manipuluat me demagogji dhe me rrena kete komunitet. Ndersa ti Z.Balla e di fort mire se ndihmen ekonomike e jep ministria, dhe ska asnje lidhje bashkia me kete pjese. Ti ne fakt je i pari, qe duhet te japesh llogari, se perse gjithe fondet i cove ne Librazhd dhe se per Prrenjasin s’te ra ndermend edhe pse ky komunitet ka 3 legjislatura qe te voton. Kete here, Prrenjasi e ka vendosur, do te votoje jo per Rilindjen e palindur, jo per marreveshje diversantesh, por per nje parti te majte si LSI qe do t’i jape Prrenjasit, Rrajces, Qukesit dhe Stravajt, dinjitetin e munguar.