Donald Trump u duk se poshtëroi presidentin francez Macron ditën e djeshme kur nuk doli fare ta priste në mbërritjen e tij në Shtëpinë e Bardhë ndërsa pak më pas e uli atë anash tavolinës së tij në Zyrën Ovale.
Pamjet treguan presidentin francez duke zbritur nga një makinë e zezë përpara se të pritej nga Abigail Jones, një zyrtare e Zyrës Shefit të Protokollit të Shtëpisë së Bardhë, shkruan Daily Mail.
Pamjet treguan gjithashtu Macron-in në cepin e tavolinës së tij në Zyrëm Ovale gjatë një telefonate në Zoom me krerë të tjerë botërorë, ndërkohë që Trump ishte ulur në mes.
Macron dhe Trump dolën ballë për ballë me një shtrëngim duarsh pak kohë më vonë gjatë fotove të rastit.
Trump dërgoi valë tronditëse nëpër Evropë duke kritikuar presidentin ukrainas dhe duke pretenduar se Ukraina e filloi luftën dhe jo Rusia.
Para vizitës së tij, Macron tha se do t’i paraqiste Trumpit argumente se nuk ishte në interesin e tij t’i përkulej Moskës.
“Unë do t’i them atij: thellë në vetvete nuk mund të jesh i dobët përballë Presidentit Putin. Ky nuk je ti, nuk është nga çfarë je krijuar dhe nuk është në interesat e tua”, tha ai gjatë një sesioni pyetje-përgjigje në rrjetet sociale.
Në një konferencë për shtyp në Zyrën Ovale këtë pasdite, Trump e përshkroi konfliktin midis Rusisë dhe Ukrainës si një “luftë të ashpër”, duke thënë se “mund të fitosh para, por nuk mund të shpëtosh jetë”.
Ai gjithashtu paralajmëroi se gjendja mund të dalë nga kontrolli dhe të çojë në një Luftë të Tretë Botërore, duke thënë se jetët e më shumë njerëzve mund të humbasin ndërsa konflikti vazhdon.
Trump gjithashtu mbështeti NATO-n, por tha se është vetëm “gjë e mirë nëse përdoret siç duhet”.
