Grupi Parlamentar i Partisë Socialiste është mbledhur në Kryesinë e Kuvendit, ku po zhvillohet dëgjesa me rektorin e Universitetit Bujqësor, Fatbardh Sallaku pas 24 masave të lëshuara nga SPAK për
Sallaku tha se nuk komentojnë drejtësinë, por beson te një proces i ndershëm, duke thënë se stafi ka nisur betejën ligjore dhe uron që të faktojnë se kanë zbatuar ligjin. Sallaku tha se Bujqësori është në një moment historik pasi ka hyrë në rrugën e transformimit me synim njehsimin e plotë të diplomave me Universitetin BOKU të Vienës.
Vetë Rama tha se “janë masa pa gjyq dhe se po luftojnë për një drejtësi europiane dhe se nuk po bëjmë presion”. Rama tha se “vetëm PS është garante e drejtësisë së re dhe pa të s’do ishin parë kurrë hetime VIP”.
Gjëja e parë që mua më ka shkuar në mend kur kam marrë këtë lajm, është se çfarë do të mendojnë partnerët austriakë kur ta dëgjojnë 24 veta masë sigurie, një numër marramendës për një çështje që ka dy apo tre vjet dhe që s’ka asnjë lloj flagrance, s’ka asnjë lloj arsyeje për të krijuar këtë goditje për një institucion të arsimit të lartë. Aq më tepër që bëhet fjalë për fonde të kërkimit shkencor, ku nëse ka pasuar abuzime, abuzuesit duhet të përgjigjen deri në fund, por 24 veta në masë sigurie. Kjo besoj është e mjaftueshme sa i përket asaj çfarë tha rektori dhe i gjithë shqetësimi është për të dhënë një mesazh për studentët e partnerët, ndërkohë që drejtësia do bëjë punën e vet, s’ka arsye për të bllokuar punën.
GJKKO vendosi 24 masa sigurie për stafin e Universitetit Bujqësor, 5 arrest me burg, 10 arrest shtëpie dhe 9 detyrim paraqitjeje, me dyshimet për abuzim me tendera e korrupsion. Nëntë procedura prokurori, të zhvilluara në vitin 2022, me një vlerë prokurimi prej 900 mijë eurosh janë episodet që ka hetuar Prokuroria e Posaçme. SPAK thotë se zyrtarë të UBT në bashkëpunim me biznese frynin tenderat dhe përfitonin paratë.
Rama: Do të ndaja disa gjëra sepse, shoh një përpjekje të madhe për të errësuar një të vërtetë, që nuk duhet ta luajë topi. Kjo parti, kjo shumicë qeverisëse, unë personalisht, jemi të vetmit garant të reformës në drejtësi.
Kur unë kam bërë me dije këtë dëgjesë me rektorin,, pa patur një sërë reagimedh dhe kam dy reagime që kam këtu me vete. Njëri është reagim i Afrim Krasniqit, një individ i shoqërisë civile, i cili akuzon për shkelje kushtetuese dhe ligjore, këtë takim publik që ne bëjmë.
Tani, ky është një opinion, ka shumë opinione, por unë po i jap disa përgjigje jo vetëm zotit Afrim po të gjithë atyre që mendojnë si atij. Dhe mbi të gjitha atyre në radhët e të pavarurve që kërkojnë pa pushim vetëm represion dhe asgjë tjetër, ndërkohë që ajo që ne kërkojmë është një drejtësi e pavarur dhe europiane.
Nuk e di se ku e gjen zoti Afrim…flasim për strategji elektorale, për të minuar punën e drejtësisë… paraqet si fakt një fantazi të tijën. Dhe këtu fillon problemi i madh me kanalet dhe portalet ku rëndom opinionet shiten si fakte. Nuk kemi asnjë strategji elektorale për të penguar një hetim. Rektori nuk u ftua për të ngritur flamurin e pafajësisë për 24 personat që janë marrë me masë sigurie pa gjyq dhe as ne nuk kemi aprrë përsipër për asjë rast ,të themi cili është i fajshëm dhe cili i pafajshëm.
As zoti Afrim dhe asnjë largim tjetër nuk konkurron dot me asnjë formë me këtë parti, me këtë mazhorancë qeverisëse, përsa i përket luftës për të patur një drejtësi të drejtë dhe të pavarur. Po të mos ishte kjo parti, zoti afrim dhe zoti largim nuk do të shikonin kurrë hetime vip në Shqipëri, nuk do të shikonin kurrë një forcë politike në pushtet e cila vullnetarisht, vendosmërisht, me patriotizëm, ka tërhequr duar komplet nga drejtësia dhe ka pranuar që në trupin e vetë të bëhen të gjithë eksperimentet e sallës së operacionit kundër korrupsionit.
