Kryetari i partisë “Mundësia”, Agron Shehaj, pritet të zhvillojë një takim me diasporën shqiptare në SHBA me 2 mars. Rrugës për në Nju Jork, Shehaj postoi një mesazh në mbështetje të drejtësisë duke u shprehur se lufta e të korruptuarve kundër drejtësisë dhe prokurorëve sapo ka filluar e do bëhet gjithmonë e më e ashpër, ndaj shqiptarët duhet të vendosin që të jenë me drejtësinë, me SPAK-un dhe me luftën kundër korrupsionit.
Postimi
Lufta e të korruptuarve kundër drejtësisë, kundër prokurorëve sapo ka filluar. Do bëhet gjithmonë e më e ashpër, ne duhet të vendosim, me kë jemi? Jemi me drejtësinë, jemi me SPAK-un, jemi me luftën kundër korrupsionit? Apo jemi me të korruptuarit? Që kërkojnë me çdo kusht të mbajnë pushtetin.
Pushteti është në dorën tuaj. Ju me votën tuaj në datën 11 maj mund të vendosni nëse lufta kundër korrupsionit do vazhdojë ose nëse SPAK-u dhe drejtësia do kapen prapë nga Edi Rama.
Të mbështesim drejtësinë! Kjo është e ardhmja e Shqipërisë Kjo është e vetmja e ardhme!
