Deputeti i PD, Tomor Alizoti, ka komentuar burgosjen e Ervin Salianjit për “kallëzim të rremë”, teksa tha se ai se së shpejti do të jetë i lirë.
Alizoti e ka cilësuar Salianjin si një opozitar të guximshëm, duke theksuar se ai po bën një detyrë të vështirë opozitare.
Alizoti ka vlerësuar kontributin e Salianjit në terrenin politik dhe ka theksuar se ky moment i vështirë do ta bëjë atë më të fortë dhe me më shumë kapital politik në të ardhmen.
“Salianji është një opozitar i guximshëm. Ai bëri një detyrë opozitare. E përshëndes Salianjin, do jetë i lirë dhe në një Shqipëri demokratike, me PD-në në qeverisje. Salianji është makineri e madhe politike, është punëtor i madh terreni. Ervin Salianji po bën burg politik. Nga ana njerëzore, njerëzit e tij të afërt e ndjejnë keq këtë që po ndodh, por nga ana politike do kthehet në PD me kapital më të madh politik sesa ka qenë. Kjo doza politike, do ta rikthejë më fuqishëm në politikë”, tha Alizoti.
