Juristi dhe një nga analistët më mbështetës së PD të Berishës, nëpërmjet një shënimi të shkurtër në faqen e tij në FB është tallur rëndshëm me pastërtinë dhe rezultatin real të primareve për kandidatët për deputet që u zhvilluan dje.
Ndërkohë që rezultatet kanë dalë në të gjithë qarqet, duket se ai për garën e Tiranës po vonon.
“Rezultati i primareve të Tiranës nuk del pa ardhë Muli nga Milano…kështu thonë burimet“, shkruan Manjani me sarkazmë, duke nënkuptuar se fituesit përcaktohen nga “lart”.
Flamur Noka, i cili gjendet bashkë me Sali Berishën në një aktivitet ne emigrantët në Milano, është akuzuar shpesh nga demokratët se ndërhyn në degët e PD në gjithë vendin për të paracaktuar kryetarët dhe ata që do të garojnë si kandidat në zgjedhjet e 11 majit.
Rasti i fundit flagrant ishte përjashtimi nga primaret në Kukës i ish-kandidatit për kryetar bashkie, Admir Sinamati. Ky i fundit e akuzoi me emër Fkamur Nokën për ndërhyrje në kryesinë e PD dhe se “mashtron” Sali Berishën që ” nuk di gjë”/ Alfapress.al
