Kryeministri Edi Rama thotë se Shqipëria është shndërruar në një nga destinacionet më të nxehta turistike.
Gjatës fjalës së tij në panairin e turizmit në Berlin, Rama u shpreh se ky është vetëm fillimi, dhe shtoi se gjermanët, por jo vetëm, kanë shumë arsye se pse duhet të vizitojnë Shqipërinë.
“Gjermanëve iu pëlqen të shpenzojnë, por edhe të kursejnë. Me një kombinim të përsosur, Shqipëria është shndërruar një nga destinacionet më të nxehta turistike të botës, por është vetëm fillimi. Gjatë dekadës së fundit, pati rritje me 2.5 herë të PBB dhe 2 herë të të ardhurave për frymë. Në vetëm 28 mijë kilometër katror, gjen dy dete, lumenj, male të mrekullueshme. Ne do të mirëpresim komunitetin politik në maj, po ashtu edhe Giro D’Italia, do kemi kryeqytetin tonë, kryeqytetin mesdhetar të dialogut. Udhëtari i parë gjerman i regjistruar në Shqipëri, është në shekullin 15”, theksoi ai.
