Vëllezërit Duka janë shfaqur në pjesën e tretë të reklamave te emisioni i Fevziut, për të shpjeguar se si e nisën biznesin, duke shitur çadra shiu dhe geta grash, por tani kanë arritur sukses të madh edhe me pularinë, por edhe me kompanitë e tjera, përfshirë Federatën e Futbollit dhe Partinë Agrare Ambientaliste.
Madje, Agron Duka deklaroi se dy biznesmenët më të suksesshëm të vendit tonë, janë Samir Mane dhe Mondi, pra Armand Duka, vëllai i tij, duke shtuar se këtë deklaratë e bën me objektivitet të lartë.
“Unë e them me shumë sinqeritet dhe me shumë objektivitet. Për mua dy burra ka Shqipëria, që janë biznesmenët më të suksesshëm dhe më të mençur, është Samir Mane dhe Armand Duka. Nëse Mondi nuk do të merrej shumë me Federatën, do të kishte gjithë kohën e përkushtuar tek biznesi dhe do kishim pasur lekë më shumë, por për mua më mirë që është marrë me futbollin”, tha Agron Duka.
Kujtojmë se ditët e fundit u mësua që Armand Duka ka përfituar nga Edi Rama një kullë të lartë në Tiranë tek ish godina e ATSH, ndërkohë që i vëllai politikan, ka marrë një vend në Durrës për partinë e tij, te lista e sigurtë e Sali Berishës, por nuk do të kandidojë vetë pasi është në pension dhe do ta delegojë deputetllëkun te një person tjetër.
