Partia Demokratike është duke mbyllur negociatat me Partinë e Lirisë lidhur me qarqet ku Ilir Meta do të ketë deputetët e sigurt.
Burime për mediat bëjnë me dije se ndryshe nga sa u tha më herët, se presidenti i Partisë së Lirisë do të garonte në qarkun e Tiranës , ai do të shkojë në Fier.
Meta do të kandidojë për zgjedhjet e 11 majit në qarkun e Fierit, ndërkohë që Edmond Haxhinasto do të kandidojë në Elbasan.
Sa i përket Tedi Blushit dhe Erisa Xhixhos, Meta ka kërkuar që të garojnë në Qarkun e Tiranës.
Ndërsa sa i përket Vangjel Dules, Fatmir Mediut e Shpëtim Idrizit nuk dihet ende se ku do të kandidojnë.
Përfaqësuesi i Agron Dukës ndërkohë do të kandidojë në Durrës.
Ashtu si dhe Berisha e bëri me dije më herët, aleatët e tij, të cilët janë pjesë e koalicionit “Shqipëria Madhështore”, do të kenë 8 vende të sigurta.
