Ukraina duhet “të jetë vigjilente dhe të kryejë punën”, deklaroi presidenti amerikan Donald Trump gjatë një konference të paplanifikuar për mediat në Zyrën Ovale.
“Ata po e bombardojnë tërësisht Ukrainën… Unë e kam më të vështirë, sinqerisht, të merrem me Ukrainën”, vërejti ai.
Rusia ka “të gjitha kartat”, thotë Trump, duke shtuar se “mund të jetë më e lehtë” të merret me Moskën, pavarësisht pozicionit të saj.
I pyetur nëse i beson Vladimir Putin-it kur thotë se dëshiron paqe, Trump thotë “po… Unë e besoj atë”.
Trump mendon se Putin-i po bën atë që “do të bënte kushdo tjetër” dhe se ai dëshiron që kjo luftë të zgjidhet dhe të përfundojë.
Më herët, ai postoi një status në Truth Social duke kërcënuar Rusinë me sanksione pasi ajo kreu një sulm me bomba në Ukrainë.
