Ish-deputeti socialist Andis Harasani, i cili mbajti detyrën e drejtorit të Korporatës Elektroenergjetike Shqiptare në vitet 2002-2005, nuk e tregoi sëmundjen e tij as në ditët e fundit të jetës, kur komunikonte në rrjetet sociale me miqtë e tij për zhvillimet në Shqipëri.
Megjithëse u largua në vitin 2013 drejt SHBA-së, distanca nuk e pengoi asnjëherë atë të kryente analiza mbi situatën ekonomike, politike, të merrte pjesë në debatet që ndizeshin në rrjetet sociale. Postimi i fundit në profilin e tij në facebook, daton më 25 shkurt, pak ditë para se të humbte jetën.
