Gëzuar ditëlindjen Ylli Ndroqi 
Për familjen Ndroqi sot është një ditë e veçantë! Presidenti i “Yldon Media Group”, zoti Ylli Ndroqi feston sot 60 vjetorin e tij të lindjes.
Dhe në këtë datë të shënuar, nuk mund të mungonte një urim i veçantë nga familja dhe bashkëshortja e tij, zonja Mimoza Ndroqi, e cila përmes rrjeteve sociale zbulon se festa në familjen e saj është e dyfishtë, pasi po sot edhe mbesa e tyre, Zaela, feston së bashku me gjyshin e saj 4 vjetorin.
URIMI I NDJERË I ZONJËS MIMOZA NDROQI
Zoti na ka bekuar!
11 Marsi është prova e mrekullisë kur vetë jeta duket sikur ka thurur me kujdes historinë tonë të bukur!
Është një prej atyre ditëve të rralla, kur rastësia është shndërruar në dhuratë të çmuar për familjen tonë.
Festojmë për dy yje që ndriçojnë jetët.
Zaela sot 4 vjeçe dhe Ylli me prefiks 6! Të dy bashkë 46!
Ishte një ditë që nuk do të harrohet kurrë, kur Zoti, në mënyrën e Tij të veçantë na lidhi përjetësisht me dashuri dhe këtë datë të bekuar.
Sot është dita që më shumë se kurrë merr kuptimin e vërtetë të dashurisë dhe familjes.
Bashkon dy gjenerata, dy zemra që rrahin për këtë familje, dhe na kujton se dashuria është ajo që na mban bashkë.
Si një rastësi e bukur që vetëm jeta di ta dhurojë, dy zemra që rrahën për herë të parë në të njëjtën ditë, duke na kujtuar se dashuria e vërtetë jeton mes brezash, në përqafime të gjyshit dhe mbesës, në buzëqeshjet e një familjeje që është rritur mbi themele dashurie, sakrifice dhe gëzimi.
Ylli, në këto vite jetë, ka ditur gjithmonë të japë dashuri pa kushte, të japë forcë kur jeta ka qenë e vështirë dhe të jetë një shembull për të gjithë ne.
Ai na ka treguar se familja është mbi gjithçka dhe se dashuria nuk matet me fjalë, por me veprime të vogla të përditshme, me përkushtim dhe sakrifice ndër dekada.
Krah Yllit, janë edhe yjet e rinj të jetës sonë: Zaela dhe Diora, falë lidhjes së mrekullueshme mes Redonit dhe Mariamit, që erdhi nga Armenia dhe iu bashkua familjes tonë.
Diora, mbesa jonë e parë e nisi festën e familjes tonë më 1 Mars duke e bërë edhe më të magjishëm e të bekuar këtë muaj për ne. Në sytë e Zaelës dhe Diorës, ne shohim të ardhmen që lulëzon nga rrënjët e forta të kësaj familjeje, të mbjella nga Ylli me mund dhe përkushtim.
Kjo ditë është më shumë se një ditëlindje. Është një festë dashurie, një kujtim i jetës së jetuar me dinjitet dhe sakrificë, një shenjë e bukur se Zoti i do ata që dinë të duan fort.
Gëzuar ditëlindjen Ylli! Gëzuar Zaela!
Ju jeni drita, forca dhe bekimi me i madh i familjes tonë.
NJË URIM EDHE NGA FAMILJA “ORA NEWS”
Edhe familja e madhe e Radio Televizionit Ora dhe Televizionit Ora News i përcjell një mesazh duke i uruar themeluesit dhe Presidentit Ylli Ndroqi edhe 100 vite të tjera plot shëndet dhe gëzime: “Gëzuar ditëlindjen!”
