Vladimir Putin, gjatë një konference shtypi, pranoi idenë e Donald Trump për një pushim 30-ditor në Ukrainë.
Kështu, duke ngjallur shpresë se bisedimet mund të vijojnë rrjedhshëm mes palëve.
Epo nuk është plotësisht kështu, pasi Putin thotë se ka “nuanca”.
Në fakt ai hodhi poshtë armëpushimin 30-ditor në Ukrainë.
Putini nuk e refuzon plotësisht idenë e një procesi paqeje – për të shmangur fajin për prishjen e tij – por refuzon një armëpushim pa parakushte.
Kundërkushtet dhe kërkesat e Moskës në fakt i pengojnë negociatat, duke e bërë të pamundur për momentin ndonjë armëpushim.
Lufta do të vazhdojë.
Putin falënderoi presidentin amerikan, Donald Trump për vëmendjen e tij ndaj zgjidhjes në Ukrainë.
“Ne jemi dakord me propozimet për ndërprerjen e armiqësive, por besojmë se ky ndërprerje duhet të çojë në paqe afatgjatë dhe të adresojë shkakun rrënjësor të krizës. Ne jemi për një armëpushim, por ka nuanca”.
Sipasi tij, “forcat ukrainase në rajonin e Kurskut kanë dy mundësi: të dorëzohen ose të eliminohen”.
“Nëse i pushojmë armiqësitë për 30 ditë, a do të thotë kjo se të gjithë në Kursk do të largohen? A duhet t’i lirojmë pasi kanë kryer krime të shumta?Forcat e Armatosura Ruse po përparojnë pothuajse kudo, është e paqartë se si do të zgjidhet situata në vijën e kontaktit në rast të një armëpushimi”, vijon ai.
Për Putin, “nëse SHBA dhe Rusia bien dakord për bashkëpunimin energjetik, atëherë tubacioni i gazit mund t’i jepet BE-së”.
“Ukraina mund të përdorë armëpushim të përkohshëm për mobilizim të detyruar dhe furnizime me armë, është e nevojshme të vendoset se si të kontrollohet kjo”.
Putin njoftoi se “Federata Ruse do të negociojë hapat e ardhshëm për t’i dhënë fund konfliktit dhe për të arritur marrëveshje të pranueshme bazuar në situatën në terren”.
“Situata në terren po ndryshon me shpejtësi në favor të Federatës Ruse”.
