Një zjarr me përmasa të mëdha ka përfshirë një objekt në Kalanë e Elbasanit.
Në vendngjarje kanë shkuar mjetet e shërbimit zjarrfikës dhe një numër i madh punonjësish të cilët po punojnë për izolimin e flakëve. Paraprakisht nuk janë të qarta shkaqet e këtij zjarri i cili duket i vështirë për tu vënë nën kontroll të plotë për momentin.
Sipas informacioneve, banesa është pronë e familjes Dakli. Para viteve 90-të ka funksionuar si shkolla 8 vjeçare “Kostandin Kristoforidhi”, ndërsa më pas ka funksionuar si shkollë private “Ahmet Dakli”.
Shqetësim konsiderohet fakti se flakët rrezikojnë përhapjen te banesat ngjitur. Zjarrfikësja po punon për shuarjen e flakëve. Ende nuk dihen shkaqet.
