Kryeministri i Shqipërisë, Edi Rama, ka reaguar në lidhje me ndarjen nga jeta të babait të ish-presidentit të Kosovës, Hashim Thaçi.
Në një postim në rrjete sociale kryeministri Rama ka ndarë një foto të ish-presidentit Thaçi me babanë e ndjerë ndërsa shkruan: “Baba iku krenar Hashim”.
Haxhi Thaçi u nda nga jeta mbrëmjen e së dielës pasi prej disa kohësh ndodhej i shtruar në spital, për shkak të gjendjes së rëndë shëndetësore.
Pak ditë më parë, atë e vizitoi në spital edhe djali i tij ish-presidenti i Kosovës Hashim Thaçi, i cili mori leje të posaçme në Hagë për të ardhur në Kosovë te babai i tij.
