Ish-kryeministri Sali Berisha u paraqit në SPAK në zbatim të masës detyrim paraqitjeje për aferën Partizani. Në hyrje të SPAK ishin vetëm disa militantë të Berishës dhe eksponentë të PD, si Flamur Noka. Në dalje të SPAK, Berisha sulmoi Dumanin, kur zbuloi se çfarë kishte shkruar në procesverbalin që nënshkruan për paraqitjen.
Berisha vijoi live sulmet para SPAK, por përse s’ka asnjë reagim ndaj ish-kryeministrit. Ndërkohë që Veliaj mbahet në qeli me argumentin se ushtron presion dhe intimidon?
“Amnistimi i krimit elektoral nga Dumani dhe SKAP-i i partisë, është krim kushtetues. Është atentati më më i rëndë ndaj zgjedhjeve të lira, Sali Berisha. Ua lash aty”, tha Berisha.
Berisha është marrë i pandehur për çështjen e aferës së privatizimit të ish-kompleksit ‘Partizani’ dhe më 4 prill pritet që të vendoset kalimin apo jo për gjykim i dosjes, që do ta bënte Berishën zyrtarin më të lartë të shtetit shqiptar në 34 vite demokraci, që del në një proces gjyqësor si i pandehur zyrtarisht për korrupsion.
Berisha është marrë i pandehur për dosjen ‘Partizani’, për të cilën SPAK e akuzon se me një sërë veprimesh i hapi rrugë privatizimit të ish kompleksit sportiv Partizani që u pasua me ndërtimin e 19 kullave, ku përfitues është dhe dhëndri i tij Jamarbër Malltezi, i pandehur gjithashtu.
Të pandehur në aferën Partizani janë edhe biznesmeni Fatmir Bektashi, Xhimi Begeja orataku i Malltezit, trashëgimtar i tokës dhe bashkëpronar i ‘Homeplan’ dhe Andia Pustina, financiere që kryente të gjitha operacionet financiare dhe ligjore të Homeplan.
