Në procesin që po zhvillohet në Gjykatën e Posaçme për dosjen Plumbi i artë vijon dëshminë e tij bashkëpunëtori i drejtësisë Nuredin Dumani. Në seancën e së martës për herë të parë Dumani ka treguar për lidhjen e marrëveshjes së bashkëpunimit me prokurorët e posaçëm duke zbardhur disa ngjarje kriminale dhe porositë që merrte për vrasjet në këmbim të shumave monetare. Dumani teksa iu përgjigj pyetjeve të avokatit të Fatos Gosës për faktin se përse pranoi të bashkëpunojë me SPAK tregoi se nuk pati asnjë presion dhe ishte momenti të tregonte gjithçka.
“Nuk më ka bërë njëri presion për te bërë marrëveshjen me prokurorinë. Unë kam tregu, prokuroria nuk më ka premtuar gjë. Nuk kam çfarë marr në këmbim.”
Gjithshtu ai u pyet edhe për porosinë që mori nga Suel Çela për vrasjen e Elton Kilës në Elbasan, por atentati dështoi pasi ai mbeti vetë pre e një sulmi me armë që sipas tij u organizua nga Suel Çela. Për herë të parë Dumani deklaroi në sallën e gjyqit se përveç aplikacionit SKY, është përdorur për komunikm mes grupeve kriminale edhe aplikacioni tjtër MATRIX.
“Më ka nxjerrë në pritë Sueli. Oti nuk ishte as në Elbasan, as në Shqipëri. Henrik Hoxha ishte me një ‘E Class’ të marrë me qira në Fier . Henrik Hoxha komunikonte shpesh me Suel Çelën me ‘Matrix’ dhe me një program tjetër. Unë me Suel Çelën kam folur vetëm në momentin e atentatit, do dalin të gjitha në “Matrix”.
Dumani dëshmoi edhe për prishjen e mardhënieve me Talo Çelën. Ky i fundit sipas Dumanit tentoi të ekzekutonte Dashamir Dumanin, vëllain e bashkëpunëtorit të drejtësisë. Seanca e radhës do të mbahet më 20 dhjetor në orën 10 ku pritet të dëshmojë bashkëpunëtori tjeter i drejtësisë Erion Alibej.
