TIRANE- Zgjedhjet e 11 majit zbuluan një fenonem të pandodhur më parë. Parti të vogla që garojnë me lista të mbyllura të cilat janë të m bushur me emra familjarësh. E ndërsa Adriatik Lapaj i koalicionit “Nisma Shqipëria bëhet’ futi në listën e mbyllur të qarkut të Beratit babain, Enkelejd Alibeaj përfaqësuesi i Koalicionit “Djathtas për Zhvillim në Tiranë’ është futur ‘familjarisht’ në listën e Tiranës.
Dy vajzat e tij, Gea 25 vjeçe dhe Meg, 19 vjeçe dhe mamaja e tij Valentina janë në listën e mbyllur të qarkut të Tiranës. Ndërsa vete garon në listë të hapur.
Shqiptarja.com publikon listën e kandidatëve ku emri i vajzës së madhe të kreut të partisë ‘Djathtas 1912’, Gea Enkelejd Alibeaj është vënë e 5-ta në listë.
Vajza e dytë Meg Enkelejd Alibeaj është e 11-ta, ndërsa e renditur e 7-ta është Valentina Hamza Alibeaj, 74 vjeçe, mamaja e kryetarit të partisë. Vetë Alibeaj është renditur në listën e hapur i pari.
Vendosja e emrit të babait në listë nga Adriatik Lapaj shkaktoi debate, të cilat u përpoq të sqarojë dhe bindë opinionin publik se ishin emra të familjarëve të vendosur fiktivisht, por më pas vendosi të largojë përfundimisht emrin të atit nga listat.
Sipas ligjit, subjektet zgjedhore kanë të drejtë të bëjnë rregullime te listat, për të hequr apo për të shtuar kandidatë, para momentit kur KQZ të miratojë listën përfundimtare.
