Kryeministri Edi Rama, i cili po mban një takim me kandidatë për deputetë të qarkut të Elbasanit, ka hapur diskutime edhe përDashnor Sulës, i cili nuk do të jetë pjesë e garës së 11 majit, pasi u la jashtë listave të PD.
“Ndërtoi Dash Sula i shkretë gjithë atë parti në Peqin dhe shkuan ia prishën natën partinë. U ngrit në mëngjes, ia kishin marrë partinë. Ia vodhën partinë natën Dash Sulës. Gjithë ajo parti atje, ka ngelur tani. S’dihet kush do ia hajë ato kokrra gruri, se gjeli detit ngeli gjeli i detit tani pa parti.
Duhet të jemi të hapur edhe për blunë. Kjo është partia jonë, e mbajmë derën mbyllur nëpër territore por sot jemi këtu për t’iu thënë këtu mirësevini përveç salamandrave dhe kukumjaçkave të kënetës nuk kanë vend. Kurse Dash Sula …duhet të dezinfektohet”, u shpreh Rama.
