(COMBO) This combination of pictures created on February 12, 2025 shows (L-R) Ukraine's president Volodymyr Zelensky in Brussels, on October 17, 2024 and US President Donald Trump on February 10, 2025, in Washington, DC. Ukrainian President Volodymyr Zelensky held a telephone call with Donald Trump on February 12, 2025, the presidency in Kyiv said, shortly after the US president said he spoke with Russian President Vladimir Putin. The Ukrainian presidency told reporters that the call lasted approximately one hour. Trump had earlier said he would call Zelensky after speaking with Putin. (Photo by NICOLAS TUCAT and ANDREW CABALLERO-REYNOLDS / AFP)
Presidenti i Ukrainës, Volodymyr Zelensky, dhe Kryeministri i Norvegjisë, Jonas Gahr Støre, mbajtën një konferencë shtypi në Oslo pas takimit të zhvilluar mes tyre, ku u diskutuan disa çështje të rëndësishme, përfshirë sulmet ruse dhe situatën energjetike në Ukrainë.
“Dje në mbrëmje, një tjetër sulm rus goditi infrastrukturën tonë energjetike. Ne në Ukrainë përballemi me këtë çdo ditë dhe natë. Pavarësisht fjalëve të Putinit për ndalimin e sulmeve, asgjë nuk ka ndryshuar,” tha Zelensky gjatë konferencës.
Gjatë konferencës, një gazetar e pyeti Zelenskyn në lidhje me mundësinë e një marrëveshjeje që SHBA të zotëronte centralin bërthamor të Zaporizhzhia, një nga centralet më të mëdha bërthamore në Ukrainë. Zelensky u përgjigj duke theksuar se “të gjitha termocentralet bërthamore i përkasin popullit të Ukrainës”. Ai shtoi se çështja e pronësisë së këtij objekti nuk ka qenë pjesë e diskutimeve të tij me presidentin Trump. “Nëse nuk i përket Ukrainës, nuk do të funksionojë për askënd,” theksoi ai.
Gjatë konferencës, Zelensky, ndau mendimin e tij se si mund të arrihej një armëpushim në Ukrainë dhe hapat që mund të çojnë drejt tij.
Zelensky tha se Ukraina ka sugjeruar një armëpushim nga toka dhe deti, duke e konsideruar këtë si hapin e parë për të ndaluar agresionin rus.
Ai theksoi se një armëpushim i plotë 30 ditor, mund të arrihej më pas përmes negociatave.
Zelensky gjithashtu njoftoi se Ukraina dhe zyrtarët amerikanë do të takohen në Arabinë Saudite të hënën e ardhshme. Këto bisedime do të jenë të ndara nga ato mes zyrtarëve rusë dhe amerikanë, që do të zhvillohen në të njëjtën ditë, duke shfaqur një ndarje të qartë në qëndrimet mes palëve.
