Analisti Ilir Demalia i ftuar në emisionin Shqip nga Dritan Hila në DritareTV komentoi takimin e kryeministrit Edi Rama me shqiptarët më 12 maj në Athinë. Demalia tha se Rama sfidoi grekët në shtëpinë e tyre. Sipas tij pas vizitës së Ramës, grekët do të ulen. Demalia flet edhe për fushatën anti-Ramë, nga opozita shqiptare që po kthehet në fushatë progreke. Demalia tregon se si kjo fushatë do të penalizojë fillimisht Greqinë dhe pastaj opozitën shqiptare.
Ilir Demalia: Grekët donin të luanin me Himarën, Rama luajti me Çamërinë. Do ulen grekët. Rama ngriti prestigjin dhe dinjitetin e shtetit. Ka 1100 gjynahe brenda, por me fqinjët ulet dhe i kundërshton. Rama luajti kartën e Çamërisë dhe të ligjit të luftës. Greqia do marrëdhënie miqësore, mban dhe ligj lufte, ka dhe pretendime territoriale pastaj. Unë habitem me këta politikanët grekë që kanë themeluar politikën, demokracinë, filozofinë të shkojnë në këtë gjendje primitive. Rama i bëri sfidë brenda Greqisë dhe mirë ua bëri.
Dritan Hila: Mendon që kjo fushate anti-Rama e opozitës, e cila po kthehet në një fushatë progreke mund ta penalizojë opozitën në votime? Apo shqiptaret nuk kanë ndonjë patriotizëm të madh?
Ilir Demalia: Kjo fushatë do të penalizojë në radhë të parë Greqinë.
Greqia vazhdon akoma me Belerin dhe kjo tregon ku e ka ulur nivelin e vet Greqia. E ka ulur te një Beler, që nuk është grek, por shqiptar që deklarohet grek dhe duan të bëjnë edhe deputet evropian. Edhe opozitës shqiptare që nuk di ku ka kokën do t’i kthehet në bumerang kjo situatë sepse njerëzit nuk votojnë më për opozitën. Ata njerëz që nuk duan Ramën, nuk duan as këtë opozitë
