Papa Françeskuku është më mire dhe do të lërë spitalin këtë të dielë. Ai ka arritur parametra shëndetësorë mjaftueshëm pozitivë për të mos qëndruar më i shtruar në Klinikën Gemelli.
Kjo u njoftua në një konferencë për mediat, në një sallë të Vatikanit ku anëtarë të Selisë së Shenjtë dhe të ekipit mjekësor që e ndoqën papën argjentinas, shpjeguan ecurinë shëndetësore të tij.
Papa Françesku u shtrua në spitalin e famshëm në Romë më 14 Shkurt dhe me daljen e tij këtë të dielë, përfundon trajtimin mjeksor që zgjati 5 javë.
Ai u diagnostikua me pneumoni të dyfishtë, një infeksion i egër që e i shkaktoi probleme të rënda me frymëmarrjen.
Të dielën papa pritet të ketë sipas raportimeve në mediat italiane dhe një dalje publike, ndërsa mjekët thanë se shërimi i tij i plotë do të kërkojë edhe disa javë të tjera.
