Pasi DASH dhe raportin e ri të publikuar në muajin mars 2025 u permend emri i tij si person nen hetim nga SPAK dhe si ‘non grata’, Sali Berisha thotë se ai raport shprehte një fakt, ku si sukses i punës së SPAK përmendej marrja e tij si i pandehur për aferën Partizani.
I pyetur nga gazetarët për një koment dhe sa e beson këtë raport, të firmosur nga vetë administrata e Trump për të cilin Berisha kishte shpresa se do i hiqte non gratën, ish-kryeministri zihet ngushtë dhe thotë se raporti evidentoi diçka që ka ndodhur dhe se nuk gënjen.
“Ai raport, shprehte një fakt, ajo ka ndodhur, besoj se nuk gënjente. Të them që gënjente jo. Thoshte një fakt. Ajo ka ndodhur dhe unë e kam denoncuar atë me qindra dhe mijëra herë, nuk kishte asgjë të re”, tha Berisha në konferencën me gazetarët.
Në raport, DASH liston marrjen e Sali Berishës të pandehur për aferën Partizani, duke pasuruar familjarët e tij. Stafi i Trump nuk i ka harruar ish-kryeministrit as shpalljen non grata, ndërsa në raport DASH thekson se duhet të vijohet me reformën në drejtësi.
