Në një intervistë për revistën “Time” presidenti ukrainas Volodymyr Zelensky sulmoi Rusinë dhe udhëheqjen amerikane.
Siç argumentoi ai, Kremlini ka arritur të ndikojë zyrtarë të rangut të lartë në administratën Trump duke përhapur sipas tij narrativa mashtruese për luftën në Ukrainë.
“Unë besoj se Rusia ka ndikuar në disa anëtarë të ekipit të Shtëpisë së Bardhë përmes shpërndarjes së informacionit,” tha ai.
Zelensky iu referua gjithashtu konfrontimit të ashpër që ai pati së fundmi në Shtëpinë e Bardhë me Donald Trump dhe zëvendës presidentin J.D. Vance, duke e përshkruar episodin si një moment të mbrojtjes së dinjitetit kombëtar.
“Në atë moment nuk e ndjeva se ishim aleatë, apo se kishte një qëndrim aleance. Në atë bisedë, unë po ruaja dinjitetin e Ukrainës,” tha ai.
