Erald Kapri, kandidati i partisë “Mundësia”, përmes një videoje prekëse ku shfaqet me të birin e mitur, në mjediset e muzeut që tregon për krimet e komunizmit, dha mesazhin se nuk mund të ketë të ardhme pa drejtësi dhe se duhet një Shqipëri ku ia del me punë.
Në videon e shkurtër Kapri shfaqet me të birin, Fllad, kur i tregon emrin e gjyshit të tij në pllakatën përkujtimore, mes qindra të pushkatuarve të regjimit komunist. Adem Nezir Kapri sot është numri 76 në listën e pushkatuarve, ndërsa Shqipëria ende nuk është ndarë nga krimet e rrëgjimit komunist dhe mbetet ende një vend që nuk ka pasur kurajën të tregojë të vërtetën e dhimbshme të 45 viteve të diktaturës së proletariatit.
“Ia tregova tim biri emrin e gjyshit në atë listë. Kur të rritet do t’i them se gjyshi u pushkatua padrejtësisht nga regjimi. Një brez që u sakrifikua por që nuk duhet harruar.
Sot jetojmë në një kohë tjetër.
Por padrejtësia nuk ka mbaruar.
Ka ende njerëz që punojnë fort dhe nuk marrin atë që meritojnë.
Ka ende të rinj që duan të ikin.
Ka ende njerëz që ndihen të harruar në këtë vend.
Unë besoj te një Shqipëri ndryshe. Një Shqipëri ku puna shpërblehet, ku drejtësia nuk është privilegj, por e drejtë. Ku askush nuk ndjehet më i harruar.
Nuk mund të ketë të ardhme pa drejtësi. Na duhet një Shqipëri ku ia del me punë”- shkruan Kapri, kandidat për deputet i partisë “Mundësia”.
