Një e-mail ka ardhur pranë çdo votuesi në diasporë, i dërguar në rrugë zyrtare nga Partia Demokratike me një thirrje të kryetarit të PD-së Sali Berisha. Në përmbajtjen e e-mail-it i bëhet thirrje emigrantëve për të kontribuar me donacione për fushatën elektorale.
Berisha shprehet se ky kontribut, sipas tij, është ‘jetik kundër narkoshtetit’.
“Në vetëm 3 ditë nis fushata që mund të ndryshojë rrjedhën e Shqipërisë – ajo për zgjedhjet vendimtare të 11 majit.
Përballë kemi një makineri pushteti dhe paraje. Por me ndihmën tuaj, e vërteta dhe shpresa mund të fitojnë.
Çdo kontribut – sado i vogël – është një goditje ndaj narkoshtetit dhe një ndihmë jetike për Partinë Demokratike”, thuhet në e-mail.
