Lëvizja Bashkë ka njoftuar se do të hapë fushatën elektorale në Fier. Njoftimi u bë përmes një postimi në Facebook.
Mësohet se fushata do të çelet më 13 prill, në orën 10:30.
NJOFTIMI
NISIM FUSHATËN KOMBËTARE NGA FIERI
Lëvizja BASHKË do ta nisë rrugëtimin e vet elektoral nga Fieri, një nga qarqet më të rëndësishme ekonomike, sociale dhe politike të vendit.
Fushata jonë nuk do të jetë thjesht aktivitet elektoral, por një përpjekje e madhe e përbashkët për të arritur ndërgjegjen e çdo qytetari që ka nevojë që vendi ynë të transformohet.
Do të trokasim në çdo derë.
Do të përshkojmë çdo rrugë.
Do të ndajmë fjalë zemre e ide të reja me çdo qytetar.
Do të hapim çdo shteg.
Gjithçka për të sjellë të renë që kërkon një popull i tërë.
Lëvizja BASHKË fton të gjithë qytetarët e Fierit, Lushnjës, Mallakastrës, Patosit, Roskovecit, Divjakës dhe krejt qarkut që të na bashkohen të dielën (13 prill) në orën 10:30 te teatri Bylis i qytetit të Fierit.
E REJA PO LIND!
