Presidenti turk Rexhep Tajip Erdogan tha sot se vendi nuk pret që tregtia, prodhimi dhe eksportet e tij të jenë në një situatë negative për shkak të vendosjes së tarifave të presidentit amerikan Donald Trump të cilat hynë në fuqi sot.
Në një fjalim para deputetëve të Partisë së tij në pushtet për Drejtësi dhe Zhvillim (AKP), Erdogan tha se programi ekonomik e ka bërë Turqinë rezistente ndaj ndikimeve të jashtme dhe se ai pret rritje më të fortë ekonomike në afat të mesëm dhe afatgjatë, krahasuar me vendet e ngjashme, raporton Reuters.
Turqia është ndër ekonomitë që ka marrë tarifat më të ulëta reciproke të SHBA-së, me dhjetë për qind.
