Presidenti amerikan, Donald Trump i dërgoi sot një mesazh Rusisë përmes platformës “Truth Social”, ndërkohë që i dërguari i tij, Steve Whittock, pritet të takohet me Vladimir Putinin në Rusi.
“Rusia duhet të bëjë një lëvizje. Shumë njerëz po vdesin, mijëra në javë, në një luftë të tmerrshme dhe të pakuptimtë – një luftë që nuk duhet të kishte ndodhur kurrë dhe nuk do të ndodhte, nëse unë do të isha President!!!”, theksoi presidenti amerikan në platformën “Truth Social”.
Putini do të takohet sot me Steve Witkoff dhe do të diskutojnë për “zgjidhjen” e luftës në Ukrainë, njoftoi Kremlini, duke theksuar megjithatë se nuk priten zhvillime të rëndësishme diplomatike. “Putini do ta dëgjojë atë. Diskutimi do të vazhdojë për aspekte të ndryshme të zgjidhjes së Ukrainës,” tha zëdhënësi i Kremlinit, Dmitry Peskov, i cituar nga agjencia e lajmeve Ria Novosti.
Peskov theksoi gjithashtu se të dy burrat mund të diskutojnë gjithashtu një takim të ardhshëm midis Putinit dhe Trump. Steve Witkoff u takua më herët sot me Kirill Dmitriev, të dërguarin special të Putinit për investime dhe bashkëpunim ekonomik, në Shën Petersburg. Vizita e Witkov vjen në mes të afrimit të vazhdueshëm ruso-amerikan dhe negociatave diplomatike për t’i dhënë fund luftës në Ukrainë.
