Kryeministri Edi Rama, me çeljen e fushatës elektorale ka nisur takimet me diasporën nga Milano, ku dhe ka marrë një dhuratë të veçantë.
Pak para se të merrte fjalën, Rama mori si dhuratë një fanellë të skuadrës së Juventusit me numrin 5, numër i cili përkon me numrin që PS ka në fletën e votimit për zgjedhjet e 11 majit.
“Ta keni për fat”, i tha ish-mesfushori i kombëtares italiane dhe Juventusit, Alessio Tacchinardi kryeministrit, ndërsa ky i fundit e falënderoj.
Rama në fjalën e mbajtur në takimin me emigrantët shqiptarë në Milano, teksa u ka bërë thirrje të votojnë PS dhe numrin 5, u shpreh se vota e tyre është votë për të ndryshuar historinë.
Rama tha se 11 maji është fundi I historisë së Shqipërisë jashtë Evropës, që sipas tij nuk mund ta humbasim as për mustaqet e Kujtim Gjuzit as për bufin që fshihet nën mustaqet e tij.
“Është hera e parë në historinë e zgjedhjeve që dhe ju dhe të gjithë shqiptarët jashtë kufijve do të kenë mundësi të zgjedhin pa patur nevojë të vinë në Shqipëri.
Jemi ne që vijmë te ju, më vjen mirë që dhe këtë sic zotuam në krye të herës e bëmë realitet dhe tani cdo shqiptar e shqiptare që do të shprehet.
Ishte thënë që në të parat zgjedhje, fati ynë fati I shqiptarëve të na sillte në një zgjedhje që është zgjedhje përfundimtare me historinë. Duke na dhënë ne shansin që me një votë tja ndryshojmë rrjedhën historisë.
Këto zgjedhje janë si një udhëkryq mes një votimi, për partinë që do udhëheqë 4 vite dhe një votim historik për një parti që mund ta bëjë Shqipërinë, zonjë anëtare të BE.
Për herë të parë ne e kemi në dorë vetë fatin evropian të Shqipërisë. Është fundi I historisë sonë jashtë Evropës
Nuk mund ta humbasim as për mustaqet e Kujtim Gjuzit as për bufin që fshihet nën mustaqet e tij”- tha ai.
Kryeministri Edi Rama duke folur në takimin me shqiptarët në Milano, u ka bërë thirrje emigrantëve të votojnë PS pasi vetëm kjo parti do të garantojë drejtësinë e re dhe të pavarur duke u integruar në Bashkimin Evropian.
“Drejtësia, frymën dhe shpatën e së cilës e sollëm për herë të parë në jetën e vendit tonë, si një shpatë që është në duart e një drejtësie të pavarur kur në Shqipëri s’ka patur kurrë një drejtësi të pavarur.
Ne duhet gjithsesi ta garantojmë, duke e futur Shqipërinë në BE, atje ku drejtësia e re e pavarur do të mbetet e pavarur pa i ndërhyrë askush. Sepse populli s’mund ta lërë në duart e partive të radhës por duhet ta marë vetë në dorë.
Ajo kënetë ka arritur të marrë dhe jetë njerëzish dhe sot duan të rikthehen përsëri, sepse bufi i kënetës do të rikthehet për hallin e tij”- u shpreh kryeministri.
