Kryetari i PD dhe koalicionit “Aleanca për Shqipërinë Madhështore”, Sali Berisha ndodhet pasditen e së dielës në Brescia, në një takim me emigrantët shqiptarë. Në këtë takim ishte i pranishëm edhe drejtuesi i fushatës zgjedhore të partisë demokratike, Chris LaCivita i cili në fjalën e tij i ftoi emigrantët të votonin PD për ti sjellë ndryshimin Shqipërisë.
“Shqipëria po përballet me një krizë të vërtetë. Ka humbur më të mirët dhe më të mençurit, për mundësi dhe oportunietete që Shqipëria sot nuk i ofron. Nuk i ofron sepse për 12 vitet e fundit, Edi Rama dhe socialistët e kanë bërë të pamundur.
E vetmja rrugë për ta ndryshuar atë është për t’u ngritur e për të votuar. Shqiptarët jashtë Shqipërisë kanë mundësinë të ndryshojnë të ardhmen e Shqipërisë. Çdo votë ka rëndësi, por sidomos vota e atyre që janë jashtë. Tashmë ju keni në dorë të ndryshoni të ardhmen e vendit tuaj”,-tha LaCivita.
