Në një intervistë për gazetën TemA, Arlind Qori, kryetar i Lëvizjes Bashkë dhe kandidat i kësaj force politike për zgjedhjet vendore të 11 majit në Tiranë, flet në lidhje me sfidat, pritshmëritë, por edhe përplasjet që shoqërojnë fushatën partisë që ai drejton.
Qori shpreh bindjen se kjo fushatë nuk është thjesht një garë elektorale, por një përballje me një sistem të vjetëruar ndërsa thekson se avantazhi më i madh i Lëvizjes Bashkë është besimi i njerëzve të thjeshtë dhe beteja me oligarkinë.
Në lidhje me pritshmëritë e tij dhe të Lëvizjes Bashkë në këto zgjedhje dhe cilën pjesë të elektoratit synon të arrijë, Qori shprehet se “në politikë nuk ka elektorat të sigurtë,” ndërsa shton se “nevoja për ndryshim është shumë më e madhe se sa thjesht elektorat gri… Sot kemi mundësinë që ta zgjerojmë këtë valë të ndryshimit ngado, edhe në sektorë të elektoratit që janë menduar dikur si të sigurtë të partive të vjetra.
