Drejtuesi politik i qarkut të Elbasanit dhe njëherësh ministër i Pushtetit Vendor, Arbjan Mazniku ishte sot në News 24 për të folur për fushatën e 11 majit.
Ai ka folur dhe për raportin me Erion Veliajn.
Për të dhe Veliajn në media kanë qarkulluar lajme se mes tyre ka patur përplasje dhe se Veliaj ka lëshuar dhe fjalë ofenduese për të, por Mazniku i hedh poshtë duke e quajtur një mik.
Mazniku: Kryeministri është drejtuesi politik i Tiranës. Pa dyshim, Erioni është një mik i afërti i imi dhe më mungon. Nuk na lejohet të komunikojmë. Është mirë dhe duke bërë betejën e tij. Besoj se është çështje që kryeministri është shprehur në mënyrë ezauruese dhe nuk kam për të shtuar dhe për të hequr për pozicionin e PS. Është një pozicion i ekuilibruar dhe i qartë. Unë nuk kam ç’të shtoj as më shumë e as më pak.
Jam mik i Erionin, por është çështje irelevante. Meritojmë që drejtësia ti shkojë çështjeve deri në fund. Duhet t’ia lëmë drejtësisë dhe të mos krijojmë aludimeve. Ka patur impakt, por jemi të fokusuar tek zgjedhjet.
Besoj se për këtë çështje PS ka patur një pozicion shumë të qartë dhe çështja se reforma në drejtësi është në këmbë falë PS dhe Edi Ramës.
