Policia ka dhënë informacion zyrtar lidhur me atentatin e rëndë me armë zjarri që ndodhi mbrëmjen e së enjtes në Tiranë.
Përmes një njoftimi për mediat policia tha se rreth orës 21:50, në spitalin e Traumës, kanë shkuar dyshohet të plagosur me armë zjarri në Lundër shtetasit A.S., 34 vjeç, M. D, 17 vjeç, të cilët janë të dëmtuar në dorë dhe krah, D. D, 11 vjeç dhe K. M., 19 vjeç, të cilët janë futur në sallë.
Është ngritur grupi hetimor dhe nën drejtimin e Prokurorisë vijon puna intensive për zbardhjen e rrethanave të ngjarjes, sekuestrimin e provave që do të shërbejnë për zbardhjen e ngjarjes, identifikimin dhe kapjen e autorëve.
Burime për Euronews Albania bëjnë me dije se tre nga të plagosurit janë jashtë rrezikut për jetën ndërsa i mituri 11-vjeçar është rëndë.
