Kandidati i Partisë Socialiste në Durrës, Skënder Pashaj, ka habitur me përshkrimin që ka vendosur në rrjetet sociale, ku e prezanton veten si “deputet i PS-së”, ndonëse zgjedhjet parlamentare nuk janë zhvilluar ende.
Pashaj renditet i katërti në listën e mbyllur të PS-së për Qarkun Durrës, pas tre emrave të tjerë, por duket se e konsideron mandatin të sigurt.
Me këtë veprim, kandidati i PS-së duket se ka shpërfillur haptazi procesin zgjedhor dhe procedurën ligjore që parashikon se një mandat deputeti konfirmohet vetëm pas përfundimit të zgjedhjeve, certifikimit nga KQZ dhe betimit në Kuvend.
Kuvendi aktual mbetet në fuqi deri në shtator, ndërsa legjislatura e re pritet të nisë në vjeshtë, por edhe kjo nuk e ka ndaluar që të prezantohet si deputet.
