Kryeministri Edi Rama ka reaguar me ironi ndaj një deklarate të kreut të Partisë Demokratike, Sali Berisha, gjatë fushatës së këtij të fundit. Përmes një videoje të publikuar në rrjetet sociale, Rama ka vënë në pah një moment ku Berisha ngatërron diskutimin mbi tatimin për bizneset gjatë një bisede me një tregtar.
“Kujdes dërrasat… e tavanit…”, shkruan Rama në mbishkrimin e videos, e cila shoqërohet edhe me imazhin e një bufi — një simbol që kryeministri e ka përdorur më herët për të ironizuar opozitën dhe lidershipin e saj.
Në reagimet e fundit, Rama ka përdorur shpesh metafora si “bufi” dhe “këneta” për të përshkruar, sipas tij, gjendjen aktuale të opozitës në vend.
.
