Në kulmin e fushatës për zgjedhjet e përgjithshme të 11 Majit, Bujar Leskaj, drejtuesi politik i PD së Berishës në Vlorë, shfaqet në një drekë me Sinan Idrizin – mik i ngushtë i Edi Ramës – dhe me kandidatë të Partisë Socialiste.
Ky takim i organizuar në qytetin bregdetar vërteton edhe një herë se pavarësisht retorikës publike, pazarët politike midis Ramës dhe Berishës vijojnë, madje edhe në nivel lokal.
Leskaj dhe Idrizi, të dy të lidhur me krahë të kundërt politik, por pjesë e të njëjtit sistem bashkëpunimesh në hije, shfaqen së bashku në një drekë miqësore që hedh poshtë idenë e një konfrontimi të vërtetë politik. Kjo ngjarje është një reflektim i qartë i aleancave të padeklaruara, ku interesat personale dhe ato të pushtetit mbizotërëojnë mbi bindjet dhe ndasitë politike.
