Presidenti i SHBA-ve, Donald Trump qortoi të mërkurën liderin ukrainas Volodymyr Zelensky pasi tha se Ukraina nuk do ta njihte pushtimin rus të Krimesë, të cilën ai e quajti një deklaratë nxitëse që do ta bëjë më të vështirë arritjen e një marrëveshjeje paqeje me Rusinë.
“Kjo deklaratë është shumë e dëmshme për negociatat e paqes me Rusinë”, shkroi Trump në një postim në Truth Social.
Ai tha se Krimea ishte e humbur vite më parë “dhe nuk është as një pikë diskutimi”.
“Ne jemi shumë afër një marrëveshjeje, por njeriu me ‘nuk ka letra për të luajtur’ tani, më në fund, duhet ta kryejë atë”, shtoi Trump.
“Mezi pres të jem në gjendje të ndihmoj Ukrainën dhe Rusinë, që të dalin nga kjo MESS e plotë dhe totale, që nuk do të kishte filluar kurrë nëse unë do të isha President!”.
Shtëpia e Bardhë këmbëngul se është gati të largohet nëse palët nuk arrijnë një marrëveshje së shpejti
