
Ndërsa dhjetëra deputetë të PD-së, po kopjojnë homologët e PS-së duke u derdhur në takime me emigrantët në vendet e Evropës Perëndimore, me shpenzime që nuk u dihet fundi, Tritan Shehu, deputeti më i vjetër i selisë blu, i ka “rënë për shkurt” dhe “low cost”, duke folur për diasporën në…Lazarat. Aty, i shoqëruar nga figura më e famshme e PD-së në zonë, Dash Aliko, deputeti Tritan Shehu, ka zhvilluar një takim në Lazarat me drejtues të partisë për të diskutuar mbi votën e sigurt për diasporën.
Në një postim në Facebook, ai theksoi rëndësinë e diasporës si një zë të fuqishëm për ndryshimin dhe zhvillimin e Shqipërisë.
“Është koha të garantojmë të drejtën e diasporës për të vendosur për të ardhmen e vendit tonë,” shkruan Shehu, duke nënvizuar nevojën për angazhim dhe përfaqësim të diasporës në proceset vendimmarrëse.