Sali Berisha, gjatë një takimi elektoral në Kavajë, është shprehur se qëllimi më i fuqishëm i programit të Partisë Demokratike “është t’i rikthejmë Shqipërisë rininë e saj”.
Berisha tha se do të bëjnë gjithçka që emigrantët shqiptarë të kthehen në atdhe, duke renditur disa nga premtimet e tij elektorale.
Berisha: Miqtë e mi, kanë mbetur edhe dy javë. Këto dy javë janë një kushtrim, janë një thirrje për çdo të ri dhe të re të Kavajës të bëjmë përpjekjet tona për të bindur çdo bashkëmoshatar, sepse qëllimi më i fuqishëm i këtij program është t’i rikthejmë Shqipërisë rininë e saj.
Garantoj se çdo ri e të re se mesatarja do të hiqet, dyert e universiteteve do të jenë të hapura. Shkollimi dhe punësimi i tyre, qeveria do të paguaj sigurimet shoqërore të sipërmarrësit për çdo të ri të punësuar një vit. Një çati për çdo çift të ri. Qeveria do japë një grant 30 mijë euro në mënyrë që të paguhet kredia.
Do të bëjmë gjithçka që të kthehet nga emigracioni vëllezërit dhe motrat tonë. 5 vjet asnjë taksë, kredi t ë buta për strehimin. Start-up e tyre do të mbështeten fuqishëm. Pra miq, është program për çdo shqiptar.
