
Presidenti rus Vladimir Putin konfirmoi se Moska është e gatshme të negociojë me Ukrainën pa parakushte gjatë një takimi me të dërguarin amerikan Wittkow, sipas agjencisë së lajmeve Interfax, duke cituar zëdhënësin e Kremlinit, Dmitry Peskov.
Wittkoff u takua me Putinin për tre orë në Moskë të premten për të diskutuar planin e SHBA për t’i dhënë fund luftës në Ukrainë.
Trump tha se të dy palët janë “shumë afër një marrëveshjeje”, pavarësisht dallimeve të dukshme në pozicionet e tyre.
Në të njëjtën kohë, duke shprehur zhgënjimin e tij për sulmet e fundit me raketa ruse në zonat civile, Trump vuri në dyshim nëse Putin ishte i sinqertë për përfundimin e luftës.
“Putini nuk ka asnjë arsye që të ketë gjuajtur raketa në zona të populluara, qytete dhe fshatra në ditët e fundit. Kjo më bën të mendoj se ndoshta ai nuk dëshiron të ndalojë luftën,” shkroi Trump në platformën Truth Social.
Më herët, presidenti rus kishte raportuar se forcat ruse kishin rimarrë rajonin e Kurskut pas njoftimit të Moskës se forcat ukrainase ishin dëbuar nga fshati i fundit që mbanin nën kontrollin e tyre.
Për herë të parë, Rusia konfirmoi gjithashtu se ushtarët e Koresë së Veriut po luftojnë përkrah forcave ruse në Kursk, me shefin e Shtabit të Përgjithshëm që vlerësoi “heroizmin” e tyre në kontributin në dëbimin e ukrainasve.